|
|
DE AETERNA DEI PRAEDESTINATIONE .
IOANNE CALVINO
Jam
elapsi
sunt novem
anni quum
Albertus Pigihius Campensis, homo
phrenetica
plane
audacia
praeditus,
eodem
opere
et
liberum
hominis
arbitrium
statuere,
et
arcanum
Dei consilium,
quo
alios
eligit
in
salutem,
alios
aeterno
exitio
destinat,
evertere
conatus
est.
Quia vero
me
nominatim
aggressus
erat per
cuius latus
piam
sanamque doctrinam
confoderet,
sacrilegum
hominis
furorem
compescere
necesse
habui.
Sed
quia tunc
aliis
negotiis
districtus, utrumque argumentum
brevi
temporis
spatio
complecti
non
poteram:
altera
parte
absoluta
de
praedestinatione,
quum
daretur
occasio,
me
postea
scripturum
recepi.
Paulo
post
librum
editum
moritur
Pighius, Ergo
ne
cani mortuo
insultarem.
ad
alias
lucubrationes me
converti.
Et
ab
eo
tempore
quod
agerem
nunquam
defuit.
Ad
haec
, quia
hoc
doctrinae
caput
iam
et
copiose
a
me
tractatum,
et
clare
explicatum,
et
solidis
scripturae
testimoniis
comprobatum
fuerat, non
adeo
necessarius
videbatur
hic
labor,
quin
tuto
omitti
posset.
Sed
quia hodie
male
feriati
quidam spiritus,
quidquid de
gratuita
piorum
electione
et
aeterno
reproborum
iudicio scripturis
proditum
est,
Pighii exemplo
diruere
moliuntur:
ne
longius
serpat
contagio,
frivola
eorum
obiecta, quibus
se
et
alios
deludunt,
colligenda
et
breviter
refellenda
censui.
Inter
reliquos
emersit
in
Italia Georgius quidam Siculus, homo
quidem
indoctus
et
contemptu
quam
insectatione
dignior: nisi
quod
nomen,
fraude
et
impostura partum,
magnas
illi
ad
nocendum
vires
dedit.
Nam
quum
Benedictinus esset
monachus,
diu
in
gurgustio
suo
latuit,
donec
Lucius Abbas,
unus
ex
patribus
Tridentinis, falsa
ipsum
commendatione
in
sublime
extulit,
sperans
se
quoque
eius
humeris
in
coelos
usque
evolaturum.
Nebulo
hic
Christum sibi
apparuisse,
et
totius
scripturae
ab
illo
se
interpretem
constitutum
mentitus,
quod
ipse
crassa
pudendaque inscitia
plus
quam
vanum
esse
prodebat,
nullo
negotio
plurimis
verum
esse
persuasit.
Atque,
ut
fabulam
ad
extremum
usque
actum
perduceret,
tanta
confidentia
ebuccinavit deliros
suos sensus,
ut
imperitos,
qui
iam
praeiudicio vincti
tenebantur,
prorsus
attonitos
redderet.
Et
certe
talibus prophetis
digna est hodie maior pars hominum: quorum partim eor in malitia obstinatum medelam nullam recipit, partim aures insatiabili parvarum speculationum desiderio pruriunt. Sunt alii fortasse qui libenter vel cum dedecore innotescerent. Verum suppresso eorum nomine, efficiam ut intelligant lectores, quam frivola sint ac nihili omnia ipsorum obbiecta.
In Pighio nunc et Georgio Siculo belluarum par non ma1 e comparatum proponere statui. Nam etsi quibusdam in rebus fuisse dispares fateor, in fingendis tamen errorum portentis, in licentia bacchandi, in scelerata adulterandae scripturae audacia, in superbo veritatis contemptu, in proiecta impu dentia, in proterva loquacitate, summa inter eos reperietur similitudo et aequalitas: nisi quod Pighius, lutulentas magniloquentiae suae ampullas inflans, maiore iactantiae pompa se effert: alter ille cothurnos, quibus assurgat, ex commentitia revelatione mutuatur. Quum autem in evertenda praedestinatione consentiant ambo, postea tamen in commentis suis sunt diversi. Fingunt ambo, in libertate nostra positum esse, ut se quisque in adoptionis gratiam inserat. Neque hoc ex Dei consillio pendere quinam electi sint vel reprobi: sed singulos sibi utramvis fortunam suo arbitrio statuere. Quod alii credunt evangelio, alii increduli manent, non ex gratuita Dei electione, vel ex arcano eius consilio, sed ex privata tantum cuiusque voluntate provenire hoc discrimen. Caeterum Pighius sensum suum ita explicat: Deum
immutabili consilio creasse indistincte omnes ad salutem. Sed quum Adae praevideret defectioem, ut firma nihilominus stabilisque maneret electio, remedium adhibuisse, quod omnibus perinde commune esse. Ita in Christo stabilitam fuisse totius humani generis electionem: ut nemo pereat, nisi qui sua obstinatione ex libro vitae se delet. Rursus vero, quum Deus praevideret quosdam ad extremum in malitia gratiaeque contemptu fore pertinaces, tales praevidendo reprobasse, nisi resipiscant? Hoc reprobationis esse initium dum se Impii universali electinis beneficio praeter Dei consilium et voluntatem privant Indigne vero sentire de Deo omnes pronunciat, et alienum iustitia et bonitate rigorem illi affingere qui electos esse praecise et absolute quoedam tradunt, alios destinatos exitio. Et nominatim hic Augustini sententiam damnat. Praescientiam vero Dei nihil tollere de arbitrii nostri libertate ut ostendat, ad illam Nicolai Ousani argutiam confugit: Deus non praeviderit, quae ab aeterno illi nota fuerunt, quasi futura, sed quasi praesenti aspectu intuitus fuerit. Et tamen ita supercilium suo more attollit impostor, ac si reconditum nescio quid, et nunquam ante auditum, ex tripode Apollinis proferret: quum tamen trita sit pueris cantilena. Quia tamen adhuc se impeditum teneri sentiebat, duplicem Dei praescientiam ingerit: Quod Deus scilicet prius creandi ad vitam hominis consilium ceperit, quam eius lapsum praesciret, ideoque salutis humanae cegitatio mortis praescientiam ordine in ipso Deo praecesserit. Et quum haec lutulento verborum torrente involvit putat se ita obruere lectorum sensus, ut nihil discernant: sed ego mea brevitate, ut spero, Paulo post discutuam loquacitatis eius tenebras. Georgii commentum est, non fuisse hunc vel illum praedestinatum ad salutem: sed Deum
statuisse tempus, quo totum mundum servaret. Atque huc quodam Pauli locos detorquet: mysterium quod a saeculis et generationibus absconditum fuerat, Christi adventu et praedicatione evangelii patefactum esse ( Rom. 16, 25: Ephes. 8, 9: Coloss. 1,
26). Ita secure elabitur, ac si nullo scripturae estimonio Palam constaret alios, aliis praeteritis, a Deo fuisse cooptatos in salutem. Denique, in electione nihil praeter tempus novi testamenti considerat.
|
[1][2][3][4][5][6][7][8][9][10]...>> |
|